வாக்காளர் பட்டியல் சிறப்பு மேற்பார்வையாளர் ராமன்குமார் தலைமை வகித்தார்.

இதில் மாவட்ட கலெக்டர் சினேகா, தாம்பரம் மாநகராட்சி கமிஷனர் பாலசந்தர், மாவட்ட வருவாய் அலுவலர் கணேஷ்குமார், சப் - கலெக்டர் மாலதி ெஹலன் மற்றும் அங்கீகரிக்கப்பட்ட அரசியல் கட்சி நிர்வாகிகள் பங்கேற்றனர்.

இந்த கூட்டத்தில், அரசியல் கட்சியினர் பேசியதாவது:

மதுராந்தகம் நகர தி.மு.க., செயலர், குமார்: எஸ்.ஐ.ஆர்., எனப்படும், வாக்காளர் பட்டியல் சிறப்பு தீவிர திருத்த பணி மேற்கொண்டதற்கு, தி.மு.க., தலைவர் சார்பாக வாழ்த்துகளை தெரிவித்துக் கொள்கிறேன்.

அ.தி.மு.க., வழக்கறிஞர் விநாயகம்: சட்டசபை தொகுதியில், வாக்காளர்கள் சேர்க்கை படிவம் 6 வழங்கப்படுகிறது. இந்த விண்ணப்பங்களை ஒருவரே அதிகமான விண்ணப்பங்களை கொண்டு வந்தால், ஏற்றுக்கொள்ளக் கூடாது. தனித்தனியாக வாக்காளரிடம் விண்ணப்பங்கள் பெற வேண்டும். 18 வயது உள்ளவர்களை வாக்காளர் பட்டியலில் சேர்ப்பது குறித்து, விழிப்புணர்வு ஏற்படுத்த வேண்டும். எஸ்.ஐ.ஆர்., பணியில், இரவு 9:00 மணிக்கு மேலும், அனைத்து நிலை அதிகாரிகளும் சிறப்பாக செயல்பட்டதற்கு நன்றியை தெரிவித்துக் கொள்கிறேன்.

கலெக்டர் சினேகா: வாக்காளர் பட்டியலில் பெயர்கள் நீக்கப்பட்டிருந்தால், மீண்டும் வாக்காளர் பட்டியலில் சேர்ப்பதற்கு, 6வது படிவம் பூர்த்தி செய்து விண்ணப்பிக்கலாம்.

வாக்காளர் கணக்கீட்டு படிவம் பூர்த்தி செய்து கொடுத்தவர்கள், அனைவரது பெயரும் வாக்காளர் பட்டியலில் வெளியிடப்படும்.

வாக்காளர் பட்டியலில் சேர்ப்பதற்கு, படிவம் 6 விண்ணப்பம், ஓட்டுச்சாவடி நிலைய அலுவலர்கள் மூலமாக வினியோகம் செய்யப்பட்டு வருகிறது. ஓட்டுச்சாவடி மையங்களில், சிறப்பு முகாம் நடத்தப்படும்.

மக்களிடம் விழிப்புணர்வு ஏற்படுத்தப்படும். அரசியல் கட்சியினரும், மக்களிடம் தெரிவிக்க வேண்டும்.

இவ்வாறு, அவர்கள் பேசினர்.