இந்த மருத்துவமனையில் சிகிச்சை பெற வரும் நோயாளிகளின் எண்ணிக்கை, நாளுக்கு நாள் அதிகரித்து வருகிறது.

தினமும் ஆயிரத்திற்கு மேற்பட்ட நோயாளிகள் சிகிச்சை பெற்று வந்த நிலையில், நேற்று முன்தினம் 1,300 நோயாளிகள் சிகிச்சை பெற வந்துள்ளனர்.

தேசிய முதியோர் நல மருத்துவமனை பொறுப்பாளர், டாக்டர் எஸ்.தீபா கூறியதாவது:

இதுவரை உள்நோயாளிகளாக 1,715 பேர் அனுமதிக்கப்பட்டு, 1,481 பேர் குணமடைந்து வீடு திரும்பியுள்ளனர். தீவிர சிகிச்சை பிரிவில் அனுமதிக்கப்பட்டு 1,826 பேருக்கு சிகிச்சை வழங்கப்பட்டுள்ளது. மேலும், 322 அறுவை சிகிச்சைகள் மேற்கொள்ளப்பட்டுள்ளன.

கடந்த நான்கு மாதங்களில், 4,169 பேருக்கு இதய நல சிகிச்சைகளும், 3,127 பேருக்கு எலும்பு மூட்டு சிகிச்சைகளும், 13,002 பேருக்கு இயன்முறை சிகிச்சைகளும் அளிக்கப்பட்டுள்ளது. ஒட்டுமொத்தமாக, 54,219 பேர் சிகிச்சை பெற்றுள்ளனர்.

இவ்வாறு கூறினார்.