செம்மஞ்சேரி செயின்ட் ஜோசப் பொறியியல் கல்லுாரியில் நடக்கும் போட்டியில் சென்னை, காஞ்சிபுரம், செங்கல்பட்டு, கள்ளக்குறிச்சி உட்பட 21 மாவட்ட அணிகள் பங்கேற்கின்றன.

ஆண்களில் 16 அணிகளும், பெண்களில் ஐந்து அணிகளும், லீக் முறையில் மோதுகின்றன. காலை 10:00 மணிக்கு துவங்கிய முதல் நாள் போட்டியை, செயின்ட் ஜோசப் கல்லுாரியில் நிறுவனர் பாபு மனோகரன் துவங்கினார்.

ஆண்களுகான போட்டியில், தஞ்சை அணி, 15 - 7, 15 - 10 என்ற கணக்கில் சென்னையையும், ஈரோடு அணி, 15 - 9, 15 - 13 என்ற கணக்கில் செங்கல்பட்டு அணியையும் வீழ்த்தின.

ராணிபேட்டை அணி, 15 -7, 12 - 15, 15 - 17 என்ற கணக்கில் கள்ளக்குறிச்சியையும், வேலுார் அணி, 15 - 8, 15 - 6 என்ற கணக்கில் காஞ்சிபுரத்தையும், நெல்லை, 15 - 2, 15 - 2 என்ற கணக்கில் சேலம் அணியையும் தோற்கடித்தன. போட்டிகள் இன்றும் நடக்கின்றன.