சென்னையில், தி புளூ ஸ்கை கிரிக்கெட் அகாடமி சார்பில், புளூ ஸ்கை ஸ்போர்ட்ஸ் லீக் கிரிக்கெட் போட்டிகள் நடக்கின்றன. இவற்றில், ஒன்பது அணிகள் பங்கேற்று, தலா ஒவ்வொரு அணிகளும் எட்டு போட்டிகள் வீதம் 'லீக்' முறையில் மோதி வருகின்றன.

சென்னை, சேத்துப்பட்டு எம்.எம்.சி.சி., பள்ளியில் நேற்று நடந்த லீக் போட்டியில், யூனிகார்ன்ஸ் சி.சி., மற்றும் டேர் டெவில்ஸ் அணிகள் மோதின.

டாஸ் வென்ற யுனிகார்ன்ஸ் அணி முதலில் பேட் செய்து, நிர்ணயிக்கப்பட்ட 18 ஓவர்களில், எட்டு விக்கெட் இழப்பிற்கு, 151 ரன்களை அடித்தது.

அணியின் வீரர் வெங்கடேஷ் 26 பந்துகளில் இரண்டு சிக்சர், ஏழு பவுண்டரியுடன் 50 ரன்களை அடித்தார்.

அடுத்து களமிறங்கிய டேர் டெவில்ஸ் அணி, 16.3 ஓவர்களில் 'ஆல் அவுட்' ஆகி, 89 ரன்களில் ஆட்டமிழந்தது. யூனிகார்ன்ஸ் அணியின் வீரர் ஷியாம், நான்கு ஓவர்கள் பந்து வீசி, நான்கு விக்கெட்டுகள் வீழ்த்தினார்.

அதேபோல், அசோக் மற்றும் அஜித் தலா இரண்டு விக்கெட்டுகள் எடுத்தனர். இதனால், 62 ரன்கள் வித்தியாசத்தில் யூனிகார்ன்ஸ் சி.சி., அணி வெற்றி பெற்றது.