நேற்று முன்தினம் மாலை வழக்கம்போல், தாம்பரத்தில் இருந்து பயணியருடன் பேருந்து புறப்பட்டது. பேருந்தை பாலமுருகன் என்பவர் ஓட்டினார். சேலையூர் நிறுத்தத்தில் நின்று புறப்பட்டபோது, சில மாணவர்கள் படிக்கட்டில் தொங்கியவாறு பயணித்தனர்.

ஓட்டுனர் பேருந்தை நிறுத்தி, மாணவர்களை கீழே இறங்குமாறு கண்டித்துள்ளார். பின், பேருந்து புறப்பட்டு சிறிது துாரம் சென்றதும், அம்மாணவர்கள் கற்களை எடுத்து பேருந்தின் பின்புறம் கண்ணாடி மீது வீசினர். இதில், கண்ணாடி உடைந்து நொறுங்கியது. அதிர்ஷ்டவசமாக பயணியருக்கு காயங்கள் எதுவும் ஏற்படவில்லை. சேலையூர் போலீசார் விசாரிக்கின்றனர்.