கருடசேவையின்போது, சப்பரத்தின் தண்டு உடைந்து சுவாமி கீழே சரிந்த சம்பவம் அதிர்ச்சியை ஏற்படுத்தியது. இந்நிலையில், வைகாசி பிரம்மோற்சவத்தின் மற்றொரு முக்கிய நிகழ்வான திருத்தேரோட்டம், இன்று காலை 6:-00 மணிக்கு நடக்கிறது.

கோவிலுக்கு தனித்தேர் இல்லாததால், மண்ணடி, பக்தவச்சலம் பெருமாள் கோவில் தேர், வாடகைக்கு எடுத்து வரப்பட்டு, திருத்தேர் உற்சவம் நடக்க இருக்கிறது.

அதன்படி, 25 அடி உயர அலங்கரிக்கப்பட்ட திருத்தேரில், ஸ்ரீதேவி - பூதேவி சமேத உற்சவர் பவள வண்ண பெருமாள், 17 ஆண்டுகளுக்கு பின், எழுந்தருளி பக்தர்களுக்கு அருள்பாலிக்கிறார்.

பின், மாடவீதி உலா நடக்கும். இதில், ஆயிரத்திற்கும் மேற்பட்ட பக்தர்கள் பங்கேற்பர் என்பதால், கோவில் நிர்வாகம் தரப்பில், விரிவான பாதுகாப்பு ஏற்பாடுகள் செய்யப்பட்டுள்ளன.