தாம்பரம் அடுத்த சேலையூர், இந்திரா நகர் ஆல்வின் பப்ளிக் பள்ளி அரங்கில் காலை 9:00 மணிக்கு போட்டிகள் துவங்கின.

இரு பாலருக்கும் தனித்தனியாக 8, 10, 12, 14, மற்றும் 18 ஆகிய வயது பிரிவின் கீழ், 'சுவிஸ்' முறையில் 'பிடே ராபிட் ரேட்டிங்' அடிப்படையில் போட்டிகள் நடந்தன.

சென்னை, செங்கல்பட்டு, காஞ்சிபுரம், திருவள்ளூர், கரூர் உட்பட பல மாவட்டங்களிலிருந்து 350 சிறுவர்களும், 160 சிறுமியரும் பங்கேற்றனர்.

ஆறு சுற்றுகள் வீதம் நடந்த போட்டியில், இருபாலரிலும், ஒவ்வொரு பிரிவிலும் முதல் 15 இடங்களைப் பிடித்த வீரர் - வீராங்கனையருக்கு கோப்பை, சான்றிதழ் மற்றும் பரிசுகள் வழங்கப்பட்டன.