இதில், 12 அணிகளும், நான்கு பிரிவாக பிரிக்கப்பட்டு, லீக் முறையில் மோதி வருகின்றன. நேற்று காலை நடந்த முதல் போட்டியில், பாளையங்கோட்டை அப்துல் ரகுமான் பள்ளி அணி மற்றும் சேலம் மண்டல இணைப்பு அணிகள் எதிர்கொண்டன.

அதில், 2 - 0 என்ற கோல் கணக்கில், பாளையங்கோட்டை அப்துல் ரகுமான் பள்ளி அணி வெற்றி பெற்றது.

மற்றொரு போட்டியில், அரியலுார் அரசு பள்ளி அணி, 6 - 3 என்ற கோல் கணக்கில் ராமநாதபுரம் மண்டல இணைப்பு அணியை வீழ்த்தியது.

சென்னை மண்டல இணைப்பு அணி மற்றும் துாத்துக்குடி மண்டல இணைப்பு அணிகளுக்கு இடையிலான ஆட்டம் 1 - 1 என்ற கணக்கில் 'டிரா'வில் முடிந்தது.