சென்னை - புருனே நேரடி விமானம்

ராயல் புருனே ஏர்லைன்ஸ் விமான நிறுவனம் ஆஸ்திரேலியா, ஆசியா, மத்திய கிழக்கு நாடுகளுக்கு விமானங்களை இயக்கி வருகிறது. கடந்த 20 வருடங்களுக்கு முன்பு 2004ம் ஆண்டு வரை இந்தியாவிலும், 2004 வரை விமானங்களை ராயல் புருனே இயக்கி வந்தது. ஆனால் பல காரணங்களுக்காக விமான சேவைகள் நிறுத்தப்பட்டன.இந்நிலையில், சென்னை - புருனே - சென்னை இடையேயான நேரடி விமான சேவை, வரும் நவ., 5 முதல் துவங்குகிறது. வாரத்தில், செவ்வாய், வியாழன், சனிக்கிழமை என மூன்று நாட்கள் விமானங்கள் இயக்கப்பட உள்ளதாக அந்நிறுவனம் தெரிவித்துள்ளது. டில்லி, மும்பை, பெங்களூரு உள்ளிட்ட விமான நிலையங்களை தவிர்த்து, சென்னையில் இருந்து இந்த விமானங்கள் இயக்கப்படுகின்றன. சென்னையில் இருந்து இரவு 11:50 மணிக்கு புறப்படும் விமானம், இந்திய நேரப்படி புருனே விமான நிலையத்துக்கு காலை 5:25 மணிக்கு சென்றடையும். இதற்கான விமான கட்டணம் 26,500 ரூபாயில் இருந்து துவங்குகிறது.புருனேவில் இருந்து மாலை 5:30 மணிக்கு புறப்படும் விமானம், இரவு 10:50 மணிக்கு சென்னை விமான நிலையம் வந்தடையும். கட்டணம் 35,500 ரூபாயில் இருந்து துவங்குகிறது.