இந்நிலையில் 2022ல், தன் உறவினரின், 15 வயது சிறுமியை பெற்றோர் இல்லாததால் ஆசை வார்த்தை கூறி அழைத்து வந்து, ராமநாதபுரம் கோவிலில் திருமணம் செய்தார்.

சிறுமியின் பாதுகாவலர்கள் திருப்புல்லாணி போலீசில் புகார் செய்தனர். அப்போதைய இன்ஸ்பெக்டர் பாலமுரளி சுந்தரம், சேதுராமனை கைது செய்தார்.

இந்த வழக்கு, ராமநாதபுரம் விரைவு மகளிர் நீதிமன்றத்தில் நடக்கிறது. விசாரணை அதிகாரியான பாலமுரளி சுந்தரம், சாட்சி சொல்ல நீதிமன்றத்திற்கு தொடர்ந்து வராததால், அவருக்கு 'பிடிவாரன்ட்' பிறப்பித்து, நீதிபதி கோபிநாத் உத்தரவிட்டார்.

பாலமுரளி சுந்தரம் தற்போது, சென்னை தாம்பரம் காவல் நிலையத்தில் இன்ஸ்பெக்டராக பணிபுரிந்து வருகிறார்.