சென்னை, சைதாப்பேட்டையில் காரணீஸ்வர் கோவில், 1,000 ஆண்டுகள் பழமையானது. ஆண்டுதோறும் சித்திரை மாத பிரம்மோற்சவத்தில், தேர் திருவிழா விமரிசையாக நடத்தப்படும்.

இக்கோவிலுக்குச் சொந்தமான தேர் நிலை பழுதடைந்தது. அதை அகற்றிவிட்டு, மரத்தேரை பாதுகாக்கும் வகையில், 38 லட்சம் ரூபாய் மதிப்பில் புதிய தேர் நிலை அமைக்க, நிர்வாக அனுமதி பெறப்பட்டது.

இதையடுத்து, பொது ஒப்பந்தப் புள்ளி கோரப்பட்டு, தற்போது கட்டுமான பணிகள் நடைபெற்று வருகின்றன. விரைவில் பணிகளை முடித்து, புதிய நிலையில் மரத்தேர் நிறுத்தப்படும் என, கோவில் செயல் அலுவலர் ரமணி தெரிவித்துள்ளார்.