சேத்துப்பட்டு எம்.எம்.சி.சி., பள்ளியில் நேற்று நடந்த லீக் போட்டியில், குமார் சி.சி., மற்றும் ஹாரிங்டன் வாரியஸ் சி.சி., அணிகள் மோதின.

'டாஸ்' வென்ற குமார் சி.சி., அணி முதலில் பேட்டிங் செய்து, நிர்ணயிக்கப்பட்ட 20 ஓவர்களில் ஒன்பது விக்கெட் இழப்புக்கு, 163 ரன்கள் அடித்தது.

அணியின் வீரர் ரத்தினசபாபதி, 27 பந்துகளில் இரண்டு சிக்சர், எட்டு பவுண்டரி என, 52 ரன்கள் அடித்தார். எதிர் அணியின் வீரர் ராகவ், நான்கு விக்கெட் எடுத்து, 24 ரன்களை கொடுத்தார்.

அடுத்து களமிறங்கிய ஹாரிங்டன் வாரியஸ் சி.சி., அணி, 16.5 ஓவர்களில் ஆல் அவுட் ஆகி, 112 ரன்களில் ஆட்டமிழந்தது. இதனால், 51 ரன்கள் வித்தியாசத்தில் குமார் சி.சி., அணி வெற்றி பெற்றது.