மொத்தம், 17 கிராம நிர்வாக அலுவலகங்களைக் கொண்டது. தினமும், 400 முதல் 500 மனுக்கள் இந்த அலுவலகத்தில் கையாளப்படுகின்றன. மேலும், பரப்பளவு அதிகம் கொண்டதால், தாலுகாவை இரண்டாக பிரிக்க, பல ஆண்டுகளாக மக்கள் கோரிக்கை வைத்தனர். சட்டசபையிலும் இதுகுறித்து கோரிக்கை வைக்கப்பட்டது.

இந்நிலையில், 9 கிராம எல்லையில் உள்ள பள்ளிக்கரணை குறுவட்டத்தை மையப்படுத்தி, 'பள்ளிக்கரணை' என்ற பெயரில் புதிய தாலுகா அமைக்க, தமிழக அரசு முடிவு செய்துள்ளது.

மீதமுள்ள, 8 கிராம எல்லையில் உள்ள சோழிங்கநல்லுார் குறுவட்டத்தை மையப்படுத்தி, 'சோழிங்கநல்லுார்' தாலுகா செயல்படும்.

இதற்கான பணிகள் நடைபெற்று வருகின்றன. விரைவில், அதிகாரப்பூர்வ அறிவிப்பு வெளியாகும் என, எதிர்பார்க்கப்படுகிறது.