இங்கு கொளுத்துவாஞ்சேரி, திருவீதியம்மன் தெருவில் மேல்நிலை நீர்த்தேக்க தொட்டி உள்ளது.

இந்த நீர்த்தேக்க தொட்டியில், மின் மோட்டார் வாயிலாக குடிநீர் நிரப்பப்பட்டு, அப்பகுதியில் உள்ள வீடுகளுக்கு வினியோகம் செய்யப்படுகிறது.

மேல்நிலை நீர்த்தேக்க தொட்டியில் குடிநீரை நிரப்பும் ஊழியர்கள் அலட்சியமாக செயல்படுவதால், தொட்டியில் தண்ணீர் நிரம்பி, வெளியே வழிந்து குடிநீர் வீணாகும் நிலை உள்ளது.

இது அடிக்கடி நடந்து வருவதாக, பகுதிமக்கள் குற்றம்சாட்டுகின்றனர். எனவே, குடிநீரை வீணாக்காமல் பொறுப்புடன் ஊராட்சி ஊழியர்கள் செயல்பட வேண்டும் என, கோரிக்கை வலுத்து உள்ளது.