இதில், நேற்று முன்தினம் நிறைவடைந்த வாலிபால் போட்டியில், 40க்கு மேற்பட்ட பள்ளி அணிகள், லீக் மற்றும் நாக் அவுட் முறையில் மோதின.

முதல் அரையிறுதியில், செயின்ட் பீட்ஸ் பள்ளி, 25 - 23, 23 - 25, 25 -22 என்ற கணக்கில் ஈரோடு குமுதம் அணியையும், மற்றொரு அரையிறுதியில், ஜேப்பியார் அணி, 25 - 18, 25 - 16 என்ற கணக்கில் ஒய்.எம்.சி.ஏ., அணியையும் வீழ்த்தி இறுதிப் போட்டிக்கு தகுதி பெற்றன.

இறுதிப் போட்டியில், செயின்ட் பீட்ஸ் மற்றும் ஜேப்பியார் அணிகள் மோதின.

விறுவிறுப்பான இப்போட்டியில், 25 - 21, 25 - 22 என்ற புள்ளிக்கணக்கில் செயின்ட் பீட்ஸ் அணி வெற்றி பெற்று, சாம்பியன் கோப்பையை வென்றது.

முன்னதாக நடந்த மூன்றாம் இடத்திற்கான ஆட்டத்தில், குமுதம் பள்ளி, 25 - 21, 25 - 22 என்ற கணக்கில், ஒய்.எம்.சி.ஏ., பள்ளியை தோற்கடித்து பரிசை கைப்பற்றியது.