எஸ்.ஆர்.எம்., அறிவியல் மற்றும் தொழில்நுட்ப கல்வி நிறுவனம் சார்பில், ஆண்டு விளையாட்டு விழா, சமீபத்தில் வடபழனி வளாகத்தில் நடந்தது. இதில், டேபிள் டென்னிஸ், கேரம், செஸ், யோகா உள்ளிட்ட பல்வேறு விளையாட்டு போட்டிகள் நடத்தப்பட்டன.

போட்டியில், அனைத்து துறை மாணவ - மாணவியர் பங்கேற்று திறமையை வெளிப்படுத்தினர். வெற்றி பெற்ற மாணவ - மாணவியருக்கு பரிசுகள் வழங்கப்பட்டன. இதில், ஒட்டுமொத்தமாக சிறப்பாக செயல்பட்ட வணிகவியல் துறையினர் 'சாம்பியன்' கோப்பையை கைப்பற்றினர்.

பரிசளிப்பு விழாவில், மானுடவியல் புலத்தலைவர் ஆனந்த் பத்மநாபன், உடற்கல்வி இயக்குனர் மோகன கிருஷ்ணன் பரிசுகள் வழங்கினர்.