கட்டடத்தின் இரண்டாவது தளத்தில் நேற்று மதியம் 2:30 மணிக்கு கரும்புகை வெளியேறியது. அதிர்ச்சியடைந்த ஊழியர்கள் தரைத்தளத்திற்கு இறங்கி வந்தனர். கட்டடத்தின் காவலாளியான பிச்சாண்டி, 77 என்பவர் மொட்டை மாடியில் சிக்கிக் கொண்டார்.

சம்பவம் அறிந்து, கோயம்பேடு, ஜே.ஜே.,நகர், அண்ணா நகர் உள்ளிட்ட தீயணைப்பு வீரர்கள் ஒரு மணிநேரம் போராடி தீயை கட்டுக்குள் கொண்டுவந்தனர். ஸ்கை லிப்ட் வாகனம் வாயிலாக, மாடியில் சிக்கிய முதியவரை பத்திரமாக மீட்டனர்.

முதற்கட்ட விசாரணையில், இரண்டாவது மாடியில் ஏற்பட்ட மின்கசிவால் தீவிபத்து ஏற்பட்டதாக தெரியவந்தது.