இத்தொடரில், 14 வயதிற்குட்பட்ட அரசு மற்றும் மாநகராட்சி பள்ளிகளிலிருந்து சிறுவர், சிறுமியரில் தலா 18 அணிகள் பங்கேற்றுள்ளன.

போட்டியை, இந்திய தொழில்முறை கால்பந்தாட்ட வீரரான தனபால் கணேஷ் துவங்கி வைத்தார். மாணவர்களுக்கான முதல் போட்டியில், வியாசர்பாடி சர்மா நகர், சென்னை அரசு பள்ளி அணி, 2 - 0 என்ற கணக்கில், பெரம்பூர் சென்னை அரசு பள்ளியை தோற்கடித்தது.

மற்றொரு போட்டியில், கோட்டூர் ரைசிங் ஸ்டார்ஸ் அணி, 2 - 1 என்ற கணக்கில் அரும்பாக்கம் அரசு பள்ளியை வீழ்த்தி வெற்றி பெற்றது.

மாணவியருக்கான போட்டியில், வியாசர்பாடி, சர்மா நகர் சென்னை அரசு பள்ளி, 6 - 0 என்ற கோல் கணக்கில் பெரம்பூர் அரசு பள்ளியை வீழ்த்தியது.