சென்னை:தமிழகத்தில், பல்வேறு நகரங்களில், கடந்த சில வாரங்களாக, வெயிலின் தாக்கம் படிப்படியாக அதிகரித்து வருகிறது. நேற்று ஒரே நாளில், 11 நகரங்களில் வெயில் சதமடித்தது. நேற்று மாலை நிலவரப்படி, அதிகபட்சமாக வேலுாரில், 108 டிகிரி பாரன்ஹீட் அதாவது, 42.2 டிகிரி செல்ஷியஸ் வெப்பம் பதிவானது. இதற்கு அடுத்தபடியாக, ஈரோடு, கரூர் பரமத்தி நகரங்களில், தலா, 105 டிகிரி பாரன்ஹீட், அதாவது, 41 டிகிரி செல்ஷியஸ் வெப்பம் பதிவானது.