மயிலாப்பூரில் உள்ள ரைசிங் ஸ்டார் கூடைப்பந்து கிளப் சார்பில், 19ம் ஆண்டாக மாநில அளவிலான கூடைப்பந்து போட்டி நடந்து வருகிறது.

'நாக் அவுட்' போட்டிகள், பெரியமேடு, நேரு விளையாட்டு மைதானத்தில் நடந்தது.

இதில், ஐ.சி.எப்., - இந்தியன் வங்கி, வருமான வரி, ரைசிங் ஸ்டார் உட்பட ஆண்களில் 72, பெண்களில் 32 என, மொத்தம் 104 அணிகள் பங்கேற்றுள்ளன.

பெண்களுக்கான போட்டியில், தமிழக போலீஸ் அணி 55 - 28 என்ற கணக்கில், பீனிக்ஸ் இந்தியாவையும்; ரைசிங் ஸ்டார், 81 - 16 என்ற கணக்கில் ஐ.சி.எப்., காலனியையும்; வருமான வரி, 63 - 44 என்ற கணக்கில், ஓசியானிக் கிளப்பையும் தோற்கடித்தன.

ஆண்களில் இந்திய வங்கி அணி, 97 - 70 என்ற கணக்கில் அரைஸ் அணியையும், வருமான வரி 102 - 72 என்ற கணக்கில் வி.கே., ஜெயராமன் அணியையும் வீழ்த்தின.

அனைத்து 'நாக் அவுட்' போட்டிகள் முடிவில், பெண்களில் ரைசிங் ஸ்டார்ஸ், வருமான வரி, எஸ்.டி.ஏ.டி., - தமிழக போலீஸ்; ஆண்களில் இந்தியன் வங்கி, வருமான வரி, எஸ்.டி.ஏ.டி., - ஐ.சி.எப்., ஆகிய எட்டு அணிகள் லீக் சுற்றுக்கு தகுதி பெற்றன.

'லீக்' போட்டிகள், தி.நகரில் உள்ள சென்னை மாநகராட்சி விளையாட்டு மைதானத்தில் நடக்கிறது.