சென்னை மாவட்ட தடகள சங்கம் சார்பில், சென்னை அளவிலான மாஸ்டர்ஸ் தடகள சாம்பியன்ஷிப் போட்டி, சென்னை நேரு விளையாட்டு அரங்கில் நடைபெற்றது.

இதில், சென்னை மாவட்ட அளவில் 30 வயது முதல் 97 வயது வரை உள்ள 600 வீரர் - -வீராங்கனையர் பங்கேற்றனர். இதில், ஆடவர் பிரிவில் போட்டியிட்ட சென்னையின் 91 வயதான வேலு, மூன்று தங்கப் பதக்கங்களை கைப்பற்றி அசத்தியுள்ளார்.

ஆடவர் 90 வயதிற்கும் மேற்பட்டோருக்கான குண்டு எறிதல் போட்டியில் 5.86 மீட்டர், தட்டு எறிதல் போட்டியில் 8.95 மீட்டர், சுத்தி எறிதல் போட்டியில் 21.11 மீட்டர் துாரம் எறிந்து, மூன்று பிரிவிலும் முதலிடம் பிடித்து தங்கப் பதக்கங்களை வென்றுள்ளார்.