போக்குவரத்து நெரிசலுக்கு தீர்வு காணும் வகையில், வேளச்சேரி குருநானக் கல்லுாரியில் இருந்து புதிய மேம்பாலம் 310 கோடி ரூபாய் மதிப்பில் கட்டப்படும் என, சட்டசபையில் நிதியமைச்சர் தங்கம் தென்னரசு அறிவித்தார்.

தொடர்ந்து, வேளச்சேரி சர்தார் பட்டேல் சாலை - வேளச்சேரி பிரதான சாலை சந்திப்பிலிருந்து குருநானக் கல்லுாரி 200 அடி சாலை சந்திப்பில், மேம்பாலம் அமைப்பதற்கான ஒப்பந்தத்தை மாநகராட்சி கோரியுள்ளது.

அதன்படி, 3 கி.மீ., நீளத்திற்கு 231 கோடி ரூபாயில் இம்மேம்பாலம் அமைக்கப்பட உள்ளது. வரும் ஆகஸ்டில் ஒப்பந்தம் விடப்பட்டு, பணிகள் துவங்கப்பட உள்ளது.

இந்த பாலம் வாயிலாக, வேளச்சேரி, கிண்டி உள்ளிட்ட பகுதிகளில் வசிக்கும், 7 லட்சம் பேர் பயன்பெறுவர்.

குருநானக் கல்லுாரி சந்திப்பு பீனிக்ஸ் மால் சந்திப்பு, ஐந்து பர்லாங் சாலை சந்திப்புகளில் ஏற்படும் நெரிசல் குறையும் என, மாநகராட்சி அதிகாரிகள் தெரிவித்தனர்.