பொதுத்துறையைச் சேர்ந்த ஓ.என்.ஜி.சி., நிறுவனம், சி.எஸ்.ஆர்., எனும் சமூக பொறுப்புணர்வு நிதியின் கீழ், 7.20 கோடி ரூபாய் செலவில், விவேகானந்தா கல்லுாரியில் இயற்பியல், வேதியியல், உயிரியல், தாவரவியல் ஆகிய துறைகளில் உள்ள ஆய்வகங்களை புதுப்பித்துள்ளது.

அந்த ஆய்வகங்களுக்கு அதிநவீன ஆய்வு கருவிகள் வாங்கப்பட்டுள்ளன. இது தவிர, 120 பேர் அமரும் வகையில், சிறந்த ஒலி வசதியுடன் கூடிய கூட்ட அரங்கம் அமைக்கப்பட்டு உள்ளது.

இதுகுறித்து, விவேகானந்தா கல்லுாரி செயலர் சுவாமி தியானகம்யானந்தா கூறியதாவது:

தற்போது, பள்ளி மாணவர்களிடம் அறிவியல் ஆர்வத்தை ஏற்படுத்தும் வகையில், கல்லுாரியில் உள்ள ஆய்வகங்களுக்கு அழைத்து வந்து செயல் விளக்கம் அளிக்கப்படும்.

சிறப்பான வசதிகளை ஏற்படுத்திக் கொடுத்த ஓ.என்.ஜி.சி., நிறுவனத்திற்கு நன்றி. முன்னாள் மாணவர்களும் கல்லுாரிக்கு உதவ முன்வர வேண்டும்.

இவ்வாறு கூறினார்.