அடையாறு பகுதியிலிருந்து பிரோட்வே செல்லும் அனைத்து வாகனங்களும், சாந்தோம் நெடுஞ்சாலை வழியாகவும், பிராட்வே பகுதியிலிருந்து அடையாறு நோக்கி செல்லும் வாகனங்கள், கலங்கரை விளக்கம் அருகே மெரினா லுாப் சாலை வழியாக செல்லும்படியும் போக்குவரத்து மாற்றப்பட்டது.

இதனால், லுாப் சாலை, சாந்தோம் நெடுஞ்சாலையில் வசிப்போர், ஒவ்வொரு முறையும், 3 - 4 கிலோ மீட்டர் சுற்றி செல்லும் நிலை உள்ளது.

இதனால் சிரமப்படும் மீனவர்கள் நேற்று, லுாப் சாலையையும், சாந்தோம் நெடுஞ்சாலையும் இரு வழியாக மாற்றக் கோரி, நொச்சிக்குப்பத்தில் ஆர்ப்பாட்டம் நடத்தினர். அப்போது மெரினா போலீசார் உரிய நடவடிக்கை விரைந்து எடுப்பதாக உறுதி அளித்து உள்ளனர்.