அப்போது, போதைப் பொருள் வைத்திருந்த விக்னேஸ்வரன், 24, உட்பட, 11 பேரை கைது செய்தனர். அவர்களிடம் இருந்து, 23 கிராம் மெத் ஆம்பெட்டமைன், 1.67 லட்சம் ரொக்கம் உள்ளிட்டவை பறிமுதல் செய்யப்பட்டன.

மேலும், வழக்கில் தலைமறைவானவர்களை தனிப்படை அமைத்து தேடி வந்தனர்.

இந்த நிலையில், டில்லியில் தலைமறைவாக இருந்த, ஆப்ரிக்க நாட்டைச் சேர்ந்த அபவ், 39, டில்லியைச் சேர்ந்த ராகுல், 19, ஆகிய இருவரையும், தனிப்படை போலீசார், நேற்று முன்தினம் கைது செய்தனர்.

கைது செய்யப்பட்டவர்களிடம் இருந்து, 15 கிராம் கோகைன், 7 கிராம் ஹெராயின், 3 கிராம் மெத் ஆம்பெட்டமைன், 50,000 ரூபாய் உள்ளிட்டவை பறிமுதல் செய்யப்பட்டுள்ளன.

கைது செய்யப்பட்ட இருவரையும் சென்னை அழைத்து வந்து, எழும்பூர் நீதிமன்றத்தில் ஆஜர்படுத்தி நேற்று சிறையில் அடைத்தனர்.