ADDED : நவ 12, 2024 12:26 AM
கும்மிடிப்பூண்டி
கும்மிடிப்பூண்டி இலங்கை தமிழர் மறுவாழ்வு முகாமில் வசித்து வருபவர் பால்ராஜ், 38. இவருக்கும், அதே முகாமில் வசிக்கும் வெள்ளையன், 35, என்பவருக்கும், முன் விரோதம் இருந்தது.
அதன் காரணமாக, கடந்த 1ம் தேதி இரவு, இரு தரப்பினருக்கும் இடையே மோதல் ஏற்பட்டது. அப்போது, பால்ராஜ் மற்றும் அவரது நண்பர் சின்னதம்பி, 35, ஆகியோரை, வெள்ளையன் மற்றும் அவரது நண்பர் சரத், 22, இணைந்து கொலை வெறி தாக்குதல் நடத்தினர்.
இதில், பால்ராஜ், சின்னதம்பி ஆகியோர், பலத்த காயங்களுடன் சென்னை ஸ்டான்லி மருத்துவமனையில் சிகிச்சை பெற்று வருகின்றனர்.
இந்த சம்பவம் குறித்து கும்மிடிப்பூண்டி சிப்காட் போலீசார் வழக்கு பதிந்து, தலைமறைவான இருவரையும் தேடி வந்தனர். இந்நிலையில், வெள்ளையனை நேற்று, கும்மிடிப்பூண்டி சிப்காட் போலீசார் கைது செய்தனர். சரத்தை தேடி வருகின்றனர்.
