சென்னையில், தீ புளூ ஸ்கை கிரிக்கெட் அகாடமி சார்பில், ஸ்ரீ குருராகவேந்திரா லீக் கம் நாக் அவுட் கிரிக்கெட் போட்டிகள் நடக்கின்றன. இவற்றில், ஒன்பது அணிகள் பங்கேற்று, தலா ஒவ்வொரு அணிகளும், எட்டு போட்டிகள் வீதம், 'லீக்' முறையில் மோதி வருகின்றன.

நேற்று முன்தினம், முகப்பேரில் உள்ள தனியார் கல்லுாரியில் நடந்த, 'லீக்' ஆட்டத்தில், ஹாரிங்டன் வாரியர்ஸ் சி.சி., மற்றும் சேலஞ்சர்ஸ் லெவன் அணிகள் எதிர்கொண்டன. 'டாஸ்' வென்ற ஹாரிங்டன் வாரியர்ஸ் அணி, பந்து வீச்சை தேர்வு செய்தது. முதலில் பேட்டிங் செய்த சேலஞ்சர்ஸ் லெவன் அணி, நிர்ணயிக்கப்பட்ட 20 ஓவர்களில், மூன்று விக்கெட்கள் மட்டும் இழந்து, 172 ரன்களை அடித்தது.

அடுத்து வெற்றி இலக்குடன் களமிறங்கிய ஹாரிங்டன் வாரியர்ஸ் அணி, சிறப்பான ஆட்டத்தை வெளிப்படுத்தி, 14.1 ஓவர்களில் இரண்டு விக்கெட் மட்டும் இழந்து, 175 ரன்களை அடித்து, எட்டு விக்கெட் வித்தியாசத்தில் வெற்றி பெற்றது.

அணியின் வீரர் கார்த்திக், 52 பந்துகளில் ஆறு சிக்சர், 13 பவுண்டரியுடன், 107 ரன்களை அடித்து அசத்தினார். போட்டிகள் தொடர்கின்றன.