இதில், கிரேன் வாயிலாக 15 அடி அளவிலான பிரமாண்ட பூமாலையை அணிவித்தும், பொக்லைன் வாயிலாக மலர்கள் துாவியும் த.வெ.க., மாவட்ட செயலரை வரவேற்றனர்.

இந்நிகழ்ச்சியில், ஆயிரத்திற்கும் மேற்பட்ட தொண்டர்கள் கொடியுடன் அணி வகுத்தனர்.

இந்த கொண்டாட்டத்தால், மதுரவாயல் - தாம்பரம் பைபாஸ் சாலையில், போக்குவரத்து முற்றிலும் முடங்கியது. வாகன ஓட்டிகள் கடும் சிரமத்திற்கு ஆளாகினர்.

இந்நிலையில் கொண்டாட்டத்தில் ஈடுபட்ட 100க்கும் மேற்பட்ட நிர்வாகிகள் மீது, அனுமதி இன்றி கூட்டம் கூடுதல், போக்குவரத்துக்கு இடையூறு செய்தல் உள்ளிட்ட பிரிவுகளின் கீழ் மதுரவாயல் போலீசார் வழக்கு பதிவு செய்தனர்.