சென்னையில் இருந்து, ஒடிசா மாநிலம், புவேனஸ்வர் நகருக்கு, இண்டிகோ, ஏர் இந்தியா, ஏர் இந்தியா எக்ஸ்பிரஸ் விமான நிறுவனங்கள், விமான சேவையை வழங்கி வருகின்றன.

இண்டிகோ நிறுவனம் காலை 6:10, மாலை 5:55 மணி என, இரண்டு விமான சேவைகளை வழங்கி வந்தது. பயணியர் மத்தியில் நல்ல வரவேற்பு கிடைத்ததால், வரும் ஜன., 14 முதல் மூன்றாவது சேவையை துவங்க திட்டமிட்டுள்ளது.

இதன்படி, சென்னையில் இருந்து தினசரி காலை 8:30 மணிக்கு புறப்படும் விமானம் காலை 10:20 மணிக்கு புவனேஷ்வர் சென்றடையும். புவனேஸ்வரில் இருந்து காலை 11:00 மணிக்கு புறப்படும் விமானம் பகல் 12:40 மணிக்கு சென்னை வந்தடையும்.

இதன் வாயிலாக, சென்னை - புவனேஸ்வர் இடையே மொத்தம், ஐந்து விமான சேவை இயக்கப்படுகிறது.