தமிழ்நாடு டேபிள் டென்னிஸ் சங்கம் ஆதரவுடன், தஞ்சாவூர் மாவட்ட டேபிள் டென்னிஸ் கழகம் சார்பில், ஏழாவது மாநில டேபிள் டென்னிஸ் 'ரேங்கிங்' விளையாட்டுப் போட்டிகள், கடந்த வெள்ளிக்கிழமை தஞ்சை, அனிதா பார்த்திபன் உள்விளையாட்டு அரங்கில் தொடங்கின.

'நாக் - -அவுட்' முறையில் நடக்கும் இப்போட்டிகள், 11, 13, 15, 17, 19 மற்றும் அதற்கு மேற்பட்ட வயதினர் என, 6 பிரிவுகளில், இரு பாலருக்கும் தனித்தனியாக நடக்கின்றன.

இதில் சென்னை, கோவை, திருச்சி, திருநெல்வேலி, தஞ்சாவூர் என, மாநிலம் முழுதும் இருந்து, 1,300-க்கும் மேற்பட்ட வீரர்கள் பங்கேற்றனர்.

இதில், 15 வயதிற்கு உட்பட்டோர் பெண்கள் பிரிவில், சென்னை வீராங்கனை அனன்யா, மற்றொரு சென்னை வீராங்கனை சாத்விகாவை 11 - -2, 11 - -7, 11 - -5 என்ற புள்ளிக்கணக்கில் எளிதாக வென்று, அரையிறுதிக்கு முன்னேறினார்.

இதே வயது பிரிவில், ஆண்களுக்கான போட்டியில், சென்னை வீரர் அக் ஷய் பூஷண் சக வீரர் தருணை 11- - 7, 11 - -8, 8 - -11, 15 - -13 என போராடி வென்று, அரையிறுதிக்கு முன்னேறினார்.

இப்போட்டிகளில் வெற்றிபெறும் வீரர்கள், 'ரேங்கிங்' அடிப்படையில் தேசிய அளவிலான போட்டிக்கு தேர்வு செய்யப்படுவர். போட்டிகள் தொடர்ந்து நடக்கின்றன.