இதையடுத்து, 160 கோடி ரூபாயில், 776 புதிய குடியிருப்புகள் கட்ட முடிவெடுக்கப்பட்டது. இதற்காக, பழமை வாய்ந்த கட்டடம் இடிக்கும் பணி நடந்து வருகிறது. புதிதாக கட்டப்படும் குடியிருப்புகள் தலா, 400 சதுர அடியில், 776 வீடுகள் கட்டப்பட உள்ளன.

வடசென்னை வளர்ச்சி திட்டத்தின் கீழ், பெருநகர வளர்ச்சி குழுமம் கட்டுமான பணிகளை மேற்கொண்டு வருகிறது. பொதுப்பணி துறைக்கு சொந்தமான இடம், தற்போது நகர்புற வாழ்விட மேம்பாட்டு வாரியத்திற்கு பெயர் மாற்றம் செய்யப்பட்டு, கட்டுமான பணிகள் துவங்கி உள்ளன.

இதில், தலா ஒரு குடியிருப்பு, 400 சதுரடியில் பல்நோக்கு அறை, படுக்கை அறை, சமையலறை மற்றும் கழிவறை ஆகிய வசதியுடன் கட்டப்பட உள்ளது. கட்டுமான பணிகளை, 18 மாதத்திற்குள் முடிவடையும் என, அதிகாரிகள் தெரிவித்தனர்.