பள்ளிக்கல்வித்துறையின் வருவாய் மாவட்ட கேரம் போட்டி, பெரியமேடு, நேரு விளையாட்டு அரங்கில் நடந்தது. போட்டியில், 14, 17 மற்றும் 19 வயதுக்கு உட்பட்ட இருபாலரிலும் தலா 23 பேர் பங்கேற்றனர்.

தனிநபர் மற்றும் இரட்டையர் ஆகிய இருபிரிவுகளில் போட்டிகள் நடந்தன.

▶ மாணவியர் 14 வயது பிரிவு தனிநபரில் முருகதனுஷ்கோடி பள்ளியின் ஜனனி, இரட்டையரில் சி.கல்யாணம் பள்ளியின் அக் ஷயா மற்றும் தனிஷ்கா ஜோடி முதலிடங்களை கைப்பற்றினர்

▶ தனி நபர் 17 வயது பிரிவில் பெரம்பூரில் உள்ள சென்னை மாநகராட்சி பெண்கள் பள்ளியின் டெனினா; இரட்டையரில், செயின்ட் பிரான்சிஸ் பள்ளியின் ஜெயஸ்ரீ மற்றும் பிரதீக் ஷா ஜோடி முதலிடத்தை வென்றனர்

▶ தனிநபர் 19 வயது பிரிவில், கன்னட சங்க பள்ளியின் செம்மொழி தமிழா; இரட்டையரில் அதே பள்ளியின் செம்மொழி தமிழா மற்றும் பாக்கியா மற்றும் தர்ஷினி ஜோடி முதலிடத்தை வென்றனர்.

மாணவர்களில்... ▶ மாணவரில் 14 வயது தனிநபரில் கன்னட சங்க பள்ளியின் சஞ்சீவ் குமார்; இரட்டையரில் பழனிசாமி பள்ளியின் ஷகுந்தன் மற்றும் தீபக் ஜோடி முதலிடத்தை பிடித்தனர்.

▶ தனிநபர் 17 வயது பிரிவில் கன்னட சங்க பள்ளியின் நர்வீன்; இரட்டையரில் செயின்ட் பீட்ஸ் பள்ளியின் ரெஹான் மற்றும் தர்ஷன் முதலிடத்தை வென்றனர்

▶ தனிநபர் 19 வயது பிரிவில் மியாசி பள்ளியின் முகமது மிஷ்பா; இரட்டையரில் தனலட்சுமி பள்ளியின் நவீத் அகமது மற்றும் முகமது ஆசர் ஜோடி முதலிடங்களை கைப்பற்றினர். வெற்றி பெற்றவர்கள் கரூரில் நடக்கும் மாநில கேரம் போட்டியில், பங்கேற்க தகுதி பெற்றுள்ளனர்.