இந்நிலையில், வீடுகளுக்கு மாதாந்திர மின் கட்டணம் அதிகமாக வருவதாகவும், உரிய நாட்களில் மின்கட்டணத்தை கணக்கிடாமல், காலம் தாழ்த்தி கணக்கீடு செய்வதாகவும் கூறி, 25க்கும் மேற்பட்டோர், சித்தாலப்பாக்கம் மின் வாரிய அலுவலத்தை முற்றுகையிட்டு, நேற்று காலை ஆர்ப்பாட்டம் நடத்தினர்.

தகவல் அறிந்து சம்பவ இடத்திற்கு வந்த போலீசார், ஆர்ப்பாட்டத்தில் ஈடுபட்டோரிடம் பேச்சுவார்த்தை நடத்தினர். இதையடுத்து, போராட்டம் கைவிடப்பட்டது.

அப்பகுதிவாசிகள் கூறுகையில், “ஒரு மின் விசிறி, இரண்டு டியூப் லைட்டுகள் உள்ள வீட்டிற்கும், 1,000 ரூபாய்க்கு மேல் மின் கட்டணம் வருகிறது. மாதந்தோறும் மின் கட்டணத்தை கணக்கிட வேண்டும். பழைய மின் மீட்டர்களை மாற்றி, புதியவற்றை பொருத்த வேண்டும்,” என்றனர்.