சென்னை மாவட்ட கேரம் சங்கம் மற்றும் ஒய்.எம்.சி.ஏ., கோடம்பாக்கம் கிளை இணைந்து, மாவட்ட அளவிலான கேரம் போட்டியை, நேற்று துவங்கின.

போட்டிகள், அசோக் நகர் ஒய்.எம்.சி.ஏ., கிளை வளாகத்தில் நடக்கின்றன.

போட்டியில், ஆடவரில் 96 பேர்; பெண்களில் 32 பேர்; பதக்கம் அல்லாத பிரிவில், 112 பேர்; சப் - ஜூனியர் சிறுமியரில் 30 பேர்; சிறுவரில் 90 பேர் என, மொத்தம், 360 பேர் உற்சாகமாக பங்கேற்றுள்ளனர்.

சப் - ஜூனியர் சிறுமியரில், சஹானா 25 - 0, 21 - 0 என்ற கணக்கில் யோஷினாவையும், ஸ்ரீஜா, 14 - 6, 18 - 1 என்ற கணக்கில் பிரின்சியையும், சுருதிகா, 21 - 0, 21 - 4 என்ற கணக்கில் திவ்யா பிரியாவையும் தோற்கடித்ததனர்.

அதேபிரிவில், சிறுவரில் அஜய், 21 - 0, 21 - 0 என்ற கணக்கில் கிஷோர் குமாரையும், தர்ஷன் 21 - 0, 21 - 0 என்ற கணக்கில் கமேஷையும் வீழ்த்தினர். போட்டிகள் தொடர்ந்து நான்கு நாட்கள் நடக்கின்றன.