டி.என்.சி.ஏ., எனும் தமிழ்நாடு கிரிக்கெட் சங்கம் சார்பில், பல்வேறு டிவிஷன் கிரிக்கெட் போட்டிகள், நகரில் பல்வேறு மைதானங்களில் நடந்தன.

இதில், ஐந்தாவது டிவிஷனில், ஏ முதல் டி பிரிவுகள் வரை தனித்தனியாக போட்டிகள் நடத்தப்பட்டன. 'ஏ' பிரிவில், பிரண்ட்ஸ் லெவன், 'பி' பிரிவில், கேலக்ஸி எஸ்.சி., - சி பிரிவில் யுனிகான் சி.சி., - டி பிரிவில் மில்கிவே சி.சி., அணிகள் புள்ளிகள் அடிப்படையில் முதலிடங்களை பிடித்தன. மேலும் இந்த நான்கு அணிகளும் நான்காவது டிவிஷனுக்கு முன்னேறின.

அதேபோல், ஐந்தாவது டிவிஷனில் இருந்த, அமர் சி.சி., - கோஹினுார் லெவன், செயின்ட் மேரிஸ் சி.சி., - கிராண்ட் பிரிக்ஸ் ஆகிய அணிகள், ஆறாவது டிவிஷனுக்கு தரமிறக்கப்பட்டுள்ளன.