பள்ளிக்கல்வித்துறை சார்பில், வருவாய் மாவட்ட அளவிலான, 'பீச்' வாலிபால் போட்டி, சென்னை நேரு விளையாட்டு அரங்கில் நடந்து வருகிறது.

நேற்று நடந்த, 17 வயதுக்கு உட்பட்டோருக்கான இறுதிப் போட்டியில், பெரம்பூர் டான்பாஸ்கோ பள்ளி, 15 - 8, 15 - 17, 15 - 10 என்ற கணக்கில், அம்பத்துார் சேது பாஸ்கரா பள்ளியை தோற்கடித்து, முதலிடத்தை பிடித்தது. செயின்ட் பீட்ஸ் பள்ளி மூன்றாம் இடத்தை பிடித்தது.

அதேபோல், 19 வயதுக்கு உட்பட்டோருக்கான பிரிவில், செயின்ட் பீட்ஸ், 15 - 11, 15 - 7 என்ற கணக்கில், சோழிங்கநல்லுார் பாரதிதாசன் பள்ளியை வீழ்த்தி, இறுதிப் போட்டிக்கு தகுதி பெற்றது. போட்டி தொடர்கிறது.