சில நாட்களுக்கு முன், லோடு ஏற்றி வந்த லாரி ஒன்றின் பாரம் தாங்காமல், 22வது தெரு மற்றும் 40வது தெருவில், மழைநீர் வடிகால் உடைந்தது. இதனால், அவ்வழியே வாகனங்கள் சென்று வருவதில் சிரமம் ஏற்பட்டுள்ளது.

சம்பந்தப்பட்ட மாநகராட்சி மற்றும் குடிநீர் வாரியத்திற்கு புகார் அளித்தும், இதுவரை சீரமைக்கவில்லை என, குற்றச்சாட்டு எழுந்துள்ளது.

குடியிருப்புவாசிகள் கூறியதாவது:

கனரக வாகனங்களால், மழைநீர் வடிகால் உடைந்து பல நாட்கள் ஆகின்றன.

இதனால், இலகுரக நான்கு சக்கர வாகனங்கள் சென்று வர முடியாத நிலை ஏற்பட்டுள்ளது. விபத்து அபாயமும் உள்ளது.

சம்பந்தப்பட்ட அதிகாரிகளுக்கு புகார் அளித்தும், இதுவரை எந்த நடவடிக்கையும் எடுக்கவில்லை. உயர் அதிகாரிகள் நேரில் பார்வையிட்டு, பள்ளத்தை சீரமைக்க வேண்டும்.

மேலும், கட்டுமான பொருட்கள் சாலையில் போட்டு ஆக்கிரமிக்கின்றனர். அதையும் அகற்றி, தடையற்ற போக்குவரத்திற்கு நடவடிக்கை எடுக்க வேண்டும்.

இவ்வாறு அவர்கள் கூறினர்.