சென்னையில், சிறு குடியிருப்புகளுக்கு, 6,000 மற்றும் 9,000 லிட்டர் லாரி குடிநீர் வினியோகம் செய்யப்படவில்லை என்ற நுகர்வோரின் புகார் குறித்த செய்தி, நம் நாளிதழில் நேற்று வெளியானது.

இதுகுறித்து, சென்னை குடிநீர் வாரியம் அளித்த விளக்கம்:

 தேவையின் அடிப்படையில், 6,000 மற்றும் 9,000 லிட்டர் குடிநீரை, ஆன்லைனில் பதிவு செய்ய எந்தவித இடையூறும் இல்லை

 தரைதளத்துடன் 2 அடுக்குமாடி குடியிருப்புகள், வாகன நிறுத்தத்துடன், 3 அடுக்குமாடி குடியிருப்புகள்; ஒரே முகவரியில் 6 குடியிருப்புகளுக்கு, 6,000 மற்றும் 9,000 லிட்டர் குடிநீர் முன்பதிவு செய்து கொள்ளலாம்

 தரை தளத்துடன் 3 அடுக்கு மற்றும் அதற்கு மேல் உள்ள குடியிருப்புகள், வாகன நிறுத்தத்துடன் கூடிய 4 மாடி குடியிருப்புகள், 9,000, 12,000 மற்றும் 18,000 லிட்டர் குடிநீர் பெற்று கொள்ள லாம்

 ஆன்லைனில், ஐந்து நாட்களுக்கு ஒரு முறை என்ற அடிப்படையில் முன்பதிவு செய்து வந்ததை, மூன்று நாட்களுக்கு ஒருமுறை என, குறைக்கப் பட்டுள்ளது

 ஆன்லை ன் முன் பதிவில் குழப்பம் ஏதும் இல்லை. எந்த நாளில் குடிநீர் வேண்டும் என்ற விருப்பத்தையும், பொதுமக்கள் தேர்வு செய்து கொள்ளலாம்.

இவ்வாறு அதில் குறிப்பிடப்பட்டுள்ளது.