இந்த நிலையில், நேற்று மாலை 6:30 மணியளவில், சந்துரு நண்பர் சந்தோஷ் என்பவருடன், வீட்டருகே பேசிக் கொண்டிருந்தார். அப்போது, ஆட்டோவில் வந்த பாலு, 'சிகரெட் பிடிக்கலாம் வா' எனக்கூறி, சந்துருவை பெரம்பூர் லோகோ ஒர்க்ஸ் பூங்கா அருகே அழைத்துச் சென்றார்.

பூங்கா வாசலில், மறைத்து வைத்திருந்த கத்தியால் சந்துருவை வெட்டி தப்பினார். இதில் சந்துருவின் இடது பக்க மார்பு, முகம் உள்ளிட்ட பல பகுதிகளில் வெட்டு விழுந்தது. அங்கிருந்தோர் சந்துருவை மீட்டு, பெரியார் நகர் அரசு மருத்துவமனையில் சேர்த்தனர். அங்கு மருத்துவ பரிசோதனையில், அவர் இறந்தது தெரிய வந்தது.

பெரவள்ளூர் போலீசார் வழக்குப்பதிவு செய்து, தப்பியோடிய பாலுவை தேடி வருகின்றனர்.