ஞாயிறு மற்றும் தேசிய விடுமுறை நாட்களில் வழக்கமாக 40 சதவீத ரயில்கள் குறைத்து இயக்கப்படும்.

அந்த வகையில், ரம்ஜான் பண்டிகையான வரும் 31ம் தேதி, தேசிய விடுமுறை என்பதால், சென்னை கடற்கரை - செங்கல்பட்டு, சென்ட்ரல் - அரக்கோணம், சூலுார்பேட்டை, வேளச்சேரி என, அனைத்து மின்சார ரயில் தடங்களிலும், ஞாயிறு கால அட்டவணைப்படி மின்சார ரயில்கள் இயக்கப்படும்.

அதேபோல், ரயில் டிக்கெட் முன்பதிவு மையங்கள் அனைத்தும், வரும் 31ம் தேதி ஒரு ஷிப்ட் மட்டுமே இயங்கும்.

அதாவது, காலை 8:00 மணி முதல் மதியம் 2:00 மணி வரை மட்டுமே இயங்கும் என, சென்னை ரயில்வே கோட்டம் நேற்று தெரிவித்துள்ளது.