'மே தினம் தேசிய விடுமுறை என்பதால், நாளை ஞாயிறு கால அட்டவணைப்படி மின்சார ரயில்கள் இயக்கப்படும்' என, அறிவிக்கப்பட்டுள்ளது.

சென்னை புறநகர் பகுதிகளில், தினமும் 500க்கும் மேற்பட்ட மின்சார ரயில்கள் இயக்கப்பட்டு வருகின்றன. இருப்பினும், ஞாயிற்றுக்கிழமை, பண்டிகை மற்றும் தேசிய விடுமுறை நாட்களில், வழக்கமாக 40 சதவீத ரயில்கள் குறைத்து இயக்கப்படும்.

அந்த வகையில், நாளை மே தினம், தேசிய விடுமுறை என்பதால், சென்னை கடற்கரை - செங்கல்பட்டு, சென்ட்ரல் - அரக்கோணம், சூலுார்பேட்டை, வேளச்சேரி என, அனைத்து மின்சார ரயில் தடத்திலும், ஞாயிறு கால அட்டவணைப்படி மின்சார ரயில்கள் இயக்கப்படும் என, சென்னை ரயில்வே கோட்டம் தெரிவித்துள்ளது.