வேலைவாய்ப்பு மற்றும் பயிற்சித்துறை சார்பில், கருணாநிதி நுாற்றாண்டு விழாவை முன்னிட்டு, 100வது மாபெரும் தனியார் துறை வேலைவாய்ப்பு முகாம், சென்னை ராணி மேரி கல்லுாரியில், நாளை காலை 8:00 முதல் மாலை 3:00 மணி வரை நடக்கிறது.

இதில், 300க்கும் மேற்பட்ட முன்னணி தனியார் நிறுவனங்களில் இருந்து, 30,000த்திற்கும் மேற்பட்ட காலி பணியிடங்களுக்கு ஆட்களை தேர்வு செய்ய உள்ளனர்.

எட்டாம் வகுப்பு தேர்ச்சி முதல் பட்டப் படிப்பு, பட்டயப் படிப்பு உள்ளிட்ட அனைத்து நபர்களும் பங்கேற்கலாம்; அனுமதி இலவசம்.

பங்கேற்க ஆர்வமுள்ளவர்கள், www.tnprivatejobs.tn.gov.in என்ற இணைதளத்தில் பதிவு செய்யலாம் என, சென்னை கலெக்டர் ரஷ்மி சித்தார்த் ஜகடே தெரிவித்துள்ளார்.