இதற்கு நிரந்தர தீர்வு காண, முக்கிய இடங்களில் 'பயோ- டாய்லெட்' வசதிகள் ஏற்படுத்தப்பட்டன.

சென்னையில் மெரினா உழைப்பாளர் சிலை, கண்ணகி சிலை, விவேகானந்தர் இல்லம், ஆடம்ஸ் பாயின்ட், பல்லவன் இல்லம் என, ஐந்து இடங்களில் புதிதாக 'பயோ - டாய்லெட்' வசதிகள் ஏற்படுத்தப்பட்டன.

கடந்த ஆண்டு மார்ச் மாதம் பயன்பாட்டிற்கு கொண்டு வரப்பட்ட நிலையில், தற்போது தண்ணீர் இன்றி உபயோகப்படுத்த முடியாமல் மூடியே வைக்கப்பட்டுள்ளன.

தவிர, புதிதாக, 50 இடங்களில் போலீசார் வசதிக்காக கழிப்பறை வசதி செய்து தரப்பட்டன. அவை அமைக்கப்பட்டு, நான்கு மாதங்களாகியும் பயன்பாட்டிற்கு வரப்படாமலேயே உள்ளன.

இதனால், போக்குவரத்து ஒழுங்குப்படுத்தும் பணியில் தினசரி ஈடுபடும் பெண் காவலர்கள், அவசர உபாதைகளை கழிக்க, மிகவும் சிரமப்பட்டு வருகின்றனர்.

எனவே சம்பந்தப்பட்ட அதிகாரிகள், புதிதாக அமைக்கப்பட்ட கழிப்பறைகளை பயன்பாட்டிற்கு கொண்டு வர நடவடிக்கை எடுக்க வேண்டும் என, பெண் காவலர்கள் கோரிக்கை விடுத்துள்ளனர்.