எனவே, முன்னுரிமை மற்றும் அந்தியோதயா கார்டில் உள்ள ஒவ்வொரு உறுப்பினரின் உண்மைத் தன்மையை சரிபார்க்குமாறு, தமிழக அரசுக்கு, மத்திய அரசு உத்தரவிட்டுள்ளது. அதன்படி, ரேஷன் கடைகளில் உள்ள விற்பனை முனைய கருவியில், கார்டில் உள்ள உறுப்பினர்களின் விரல் ரேகையை பதிவு செய்து, 'ஆதார்' சரிபார்ப்பு வாயிலாக உறுதி செய்யப்படுகிறது.

இப்பணி கடந்த ஆண்டு துவக்கப்பட்டது. கடந்த மார்ச், 31க்குள் முடிக்க உத்தரவிடப்பட்டிருந்தது. ஆனால் இன்னும், 40 லட்சத்துக்கும் மேற்பட்டோர் விரல் ரேகையை பதிவு செய்யாமல் உள்ளனர். அவர்கள் வரும், 31ம் தேதி வரை விரல் ரேகை பதிவு செய்ய, அவகாசம் நீட்டிக்கப்பட்டு உள்ளது.