திருமங்கலம் பகுதியில், 'பீ வெல்' என்ற பெயரில் தனியார் மருத்தமனை இயங்கி வருகிறது. இம்மருத்துவமனையில் நேற்று அதிகாலை, 1:30 மணியளவில், முதல் தளத்தில் உள்ள ஒரு அறையில் இருந்து கரும்புகை வெளியேறியது; திடீரென தீப்பிடிக்க துவங்கியது.

அண்ணா நகர் தீயணைப்பு நிலைய வீரர்கள் சென்று தீயை அணைத்தனர். அறையில் ஊழியர்கள் யாரும் இல்லை என்பதால், யாருக்கும் பாதிப்பு இல்லை.

அதேநேரம், அறையில் இருந்த குளிர்சாதன பெட்டி, மின்விசிறி மற்றும் படுக்கை கதவு உள்ளிட்டவை எரிந்து நாசமாயின. தீவிபத்து குறித்து, திருமங்கலம் போலீசார் விசாரிக்கின்றனர்.