செங்குன்றம் தீயணைப்பு துறையினருக்கு, நேற்று அதிகாலை 3:00 மணிக்கு தகவல் வந்தது. அதன்படி, தீயணைப்பு நிலைய அலுவலர் சீனிவாசன் தலைமையிலான வீரர்கள், வாகனத்துடன் விரைந்து சென்றனர். உணவகம், டீ கடையில் எரிந்து கொண்டிருந்த தீயை, ஒரு மணிநேரம் போராடி முற்றிலுமாக அணைத்தனர். தீயில், உணவகம், டீ கடையின் மேஜை, நாற்காலிகள், பாத்திரங்கள் மற்றும் மின்சார பொருட்கள் முற்றிலுமாக எரிந்து நாசமாகின.

முன்னெச்சரிக்கையாக, உணவகத்தில் இருந்த 19 காஸ் சிலிண்டர்களை, தீயணைப்பு வீரர்கள் அப்புறப்படுத்தியதால், பெரும் விபத்து தவிர்க்கப்பட்டது.