தடை காரணமாக, சென்னை, திருவள்ளூர், செங்கல்பட்டு, நாகப்பட்டினம், புதுச்சேரி, காரைக்கால் மற்றும் துாத்துக்குடி, ராமேஸ்வரம், கன்னியாகுமரி உள்ளிட்ட கடலோர மாவட்டங்களில் மீனவர்கள் மீன் பிடிக்க செல்லவில்லை. 20 ஆயிரம் விசைப் படகுகள் கடலுக்குச் செல்லாமல் உள்ளன. சென்னை காசிமேட்டில், 800க்கும் மேற்பட்ட விசைப்படகுகள் ஆழ்கடலுக்கு மீன்பிடிக்க செல்லவில்லை.

இருப்பினும் 15க்கும் மேற்பட்ட பைபர் படகுகளை கொண்டு, கரை ஓரமாக மீன் பிடித்து பழைய மீன் ஏலக்கூடத்தில் விற்பனை கொண்டு வந்தனர். நேற்று ஞாயிற்றுக்கிழமை விடுமுறை என்பதால், காசிமேட்டில் மீன் வாங்க ஏராளமானோர் குவிந்தனர். இதனால், மீன் விலை இரு மடங்காக உயர்த்தி விற்பனை செய்யப்பட்டது.