ADDED : பிப் 09, 2026 05:44 AM

அ நிறம் | அளவு
காசிமேடு: காசிமேடில் வரத்து குறைந்ததால், மீன் விலை இருமடங்கு உயர்ந்து விற்பனையானது.
காசிமேடு மீன்பிடி துறைமுகத்தில், ஒவ்வொரு ஞாயிற்றுக்கிழமையும் திருவிழா கூட்டம் போல் மக்கள் வெள்ளமாக காட்சியளிக்கும்.
சென்னை மற்றும் புறநகர் பகுதிகள் மட்டுமின்றி பிற மாவட்டங்களைச் சேர்ந்தோர் என, அதிகாலை முதலே மீன் வாங்க வியாபாரிகள், பொதுமக்கள் திரளானோர் வருவர்.அந்த வகையில், ஞாயிற்றுக்கிழமையான நேற்று, அதிகாலை பனிப்பொழிவையும் பொருட்படுத்தாமல் ஏராளமானோர் காசிமேடிற்கு வந்தனர்.
ஆனால், மீன் பிடிக்க சென்ற 40க்கும் குறைவான விசைப்படகுகளே கரை திரும்பின. அதிலும், கானங்கத்த மீன் வகையே அதிக வரத்து இருந்தது.
மற்ற மீன்வகைகள் குறைவாகவே கிடைத்தன. இதனால் காசிமேடு மட்டுமின்றி வெளி மீன் சந்தைகளிலும் மீன் வாங்க வந்தவர்கள், ஏமாற்றமடைந்தனர்.
