இந்த சீசனில் செயின்ட் பீட்ஸ், செயின்ட் மேரீஸ், மான்ட்போர்டு, டான்பாஸ்கோ, ஏ.ஜே.எஸ்., -கொட்டிவாக்கம் ஒய்.எம்.சி.ஏ.,- சேது பாஸ்கரா, செயின்ட் பீட்டர்ஸ் என, எட்டு அணிகள் பலப்பரீட்சை நடத்தின.

போட்டிகள், கடந்த ஆகஸ்ட்டில் துவங்கி, 'லீக்' முறையில், ஒவ்வொரு வாரமும் வெவ்வேறு பள்ளிகளில், போட்டிகள் நடத்தப்பட்டன. மொத்தம், 56 'லீக்' ஆட்டங்கள் நடத்தப்பட்டன.

நேற்று முன்தினம் மாலை நடந்த, 56வது கடைசி லீக் ஆட்டத்தில், ராயபுரம் செயின்ட் பீட்டர்ஸ் அணி, சாந்தோம் செயின்ட் பீட்ஸ் பள்ளியை தோற்கடித்தது.

இதுவரை நடந்த அனைத்து லீக் போட்டிகள் முடிவில், செயின்ட் பீட்டர்ஸ் அணி, 38 புள்ளிகளும், அம்பத்துார் சேது பாஸ்கரா பள்ளி, 36 புள்ளிகளும், பெரம்பூர் டான்பாஸ்கோ பள்ளி, 33 புள்ளிகளும், சாந்தோம் செயின்ட் பீட்ஸ் பள்ளி, 32 புள்ளிகள் பெற்று முன்னிலையில் உள்ளன.