அண்ணா நகர் மண்டலம், 94வது வார்டில் வில்லிவாக்கம், சிட்கோ நகரில், பிரதான சாலைகள் உட்பட 100 தெருக்கள் உள்ளன.

இங்கு, ஆயிரக்கணக்கான குடும்பங்கள் வசிக்கின்றன.

இங்குள்ள ஒன்று மற்றும் நான்காவது பிரதான சாலைகளில், மழைநீர் வடிகால்வாய், மின் வாரியம் மற்றும் குடிநீர் வாரியம் சார்பில் பள்ளம் தோண்டி, பணிகள் மேற்கொள்ளப்பட்டன.

பணிகள் முடிந்த பின்னரும், சாலைகள் முறையாக சீரமைக்கப்படவில்லை. சாலைகள் முழுதும் குண்டும் குழியுமாக மாறி, போக்குவரத்துக்கு லாயக்கற்ற நிலையில் உள்ளன.

இதனால், இருசக்கர வாகன ஓட்டிகள் அடிக்கடி விபத்தில் சிக்குகின்றனர்.

இரவில், சாலையில் உள்ள குழிகள் தென்படாததால், விபத்து அபாயம் அதிகரித்துள்ளதாக, வாகன ஓட்டிகள் தெரிவிக்கின்றனர்.